تارتولات البنان يا سلاااام
2كيسان دقيق مغربل(مايعادل 300غ)
2 معالق كبار سكر قلاصي (مايعادل 40غ)
3 معالق كبار مارغرين (مايعادل 150غ)
صفار بيضة
2 معالق كبار ماء
فانيليا
الكريمة اللذيذة:
بيضة
2 كأس حليب (نصف لتر)
5مغارف كبار سكر
4 مغارف نشاء ممسوحين
مغرفة فاني
ملعقة زبدة صغيرة
مبشور حبة حامض
عصير نصف حبة حامض
عطر الموز (مش إجباري)
كاس إلا ربع کریم شونتي
نص كاس حليب بااااارد
التزين
قطع الموز
ناباج أو لاجولي
الطريقة
نخلط الدقيق و السكر قلاصي و نضيفولهم المارغرين تكون مقطعة (باه تسهللكم العملية) ندخلو المارغرين مع الدقيق حتى تتجانس فيها جيدا و نضيفو صفار بيضة و فانيليا و الماء و نخلط جيدااا (نظغط و نلم) حتى تولي عندنا عجينة طرية و متجااانسة جيدا
(نخدم بيها مباشرة) مانبعد على سطح العمل نحلها بواسطة حلال(المدلك) متوسطة و نحطها في المول تاعنا نعدلها جيدا علیه و نثقبها جيدا
و ندخلها في فرن يكون سخون مسبقا على درجة حرارة 200 نخليها تأخذ اللون الذهبي من التحت و من الفوق كي طيب نخليها تبرد جيدا و نحط الكريمة و نزينها بالموز كي نكمل ندهنها من الفوق بالناباج
طريقة تحضير الكريمة
أولا في کسرونة نحط البيضة و السكر و نخلط جيدامانبعد نزيد الحليب و النشاو نخلط بارد في بارد مانبعد نحطهم فوق النار مع التحريك المستمر حتى تعقد ونطفي عليها النار و نزيدلها ملعقة زبدة
والفاني و مبشور الحامض و عصير الحامض و نخلط جيدا حتى تذوب الزبدة و تتجانس و نفرغها في طبسي و نغطيها ب (بابي فيلم) لازم الورق يلامس الكريمة و ندخلها للثلاجة حوالي الساعة تبرد جيدا لازم مانبعد نجيب لاكريم شونتي لي كونا طلعناها مع الحليب جيدا و نبداو نزيدولها في الكريمة تاعنا و نخلط حتى تتجانس.
بالنسبة لي بغات تعمل ناباج منزلي ها هي الوصفة
المكوّنات:
250 غرام سكر خشن (سنيدة (سكر خشن))
500 مل من الماء
ملعقة كبيرة نشا
ملعقة صغيرة عصير ليمونة (حامضة)
كيس سكر فانيلا
الطريقة
في كسرول نضع كل المكونات ونحرك جيداً ثم نضعها فوق النار حتى تغلي مع الاستمرار في التحريك ،بعدما تغلي وتطلع رغوة نتركها خمس دقائق و نزيلها من فوق النار ونتركها تبرد.
