السفة بالروز ودجاج وتفاية على حقو وطريقو مممم يا سلام رووووعة فالمذاق👌😍
نحتاج دجاجة نشرملها بمعلقة صغيرة كل من ابزار سكينجبير الخرقوم وشوية دالملح و2دروس تومة ومكعب دالزعفران الحر نشرملها ونحطها فطنجرة ونزيد عليها 2بصلات مقطعين وربيطة
صغيرة قسبور ومعدنوس وكاس زيت مخلطة ونغطي الدجاجة بالماء ونخليها طيب ملي طيب نهزها ونحمرها ونخليها على جنب ونخلي المرقة ديالها حتى تنشف وتدغمر ونمشي نوجد التفايا نحتاج فيها
3 البصلات مقطعة شنانف وکاس دالزبيب الاحمر مع شوية المرقة الدجاج وشوية دالسكر والقرفة ونخليها طيب وتشحر مزيان صافي نخليها على جنب ونمشي نوجد الروز كنحتاج كمية من الروز
كنصلقها نص صلقة فالما مملح او نصفيه ونزيد عليه الزبيب وندهنو بالزبدة ونردو افور حتى اكمل طياب او نقدم طبق ديالي كنحط الروز ونسقي بالدغميرة ونحط الدجاجة وتفاية وتزيين اختياري وبالصحة و الراحة
